[ТОДОРХОЙЛОЛТ]
- Cerviray төхөөрөмж нь үтрээ, умайн хүзүү, гадаад бэлэг эрхтний эд эсийн дүрсийг томруулж харах мөн зураг авах, бичлэг хийх боломжийг олгодог кольпоскоп юм. Энэ төхөөрөмж нь гэрэлтүүлэг бүхий дуран ба мэдрэгчтэй дэлгэцээс бүрддэг. Ашиглалтын явцад Cerviray төхөөрөмж нь сайн чанарын зураг авахын тулд тодорхой зайнаас ажиллах ба өвчтөний биед шууд хүргэхгүйгээр спекулумтай хамт хэрэглэнэ. Төхөөрөмжий суурь нь зөвхөн цэнэглэх зориулалттай.
[ХАРАГДАХ БАЙДАЛ]
[ХАРАГДАХ БАЙДЛЫН ТАЙЛБАР]
| № | Нэршил | Үйлдэл |
|---|---|---|
| ① | Камер | Зураг авах зориулалттай. |
| ② | Тулгуур саваа | Зураг авах үед толинд тулгаж камерийг хөдөлгөөнгүй байлгах зориулалттай. |
| ③ | Micro SD карт | Micro SD картны үүртэй бөгөөд төхөрөмжийн ажиллагаанд SD карт ашиглагддаг. |
| ④ | Зураг авалтын товчлуур | Зураг авах, бичлэг хийх. |
| ⑤ | Батарейны хаалт | Батарейны хаалт. |
| ⑥ | LCD мэдрэгчтэй дэлгэц | APP-г ажиллуулахаас гадна зураг авалтыг шалгадаг. |
| ⑦ | Асаах товчлуур | Асаах / унтраах үйлдэл. |
| ⑧ | Томруулах, жижгэрүүлэх, фокуслах товчлуур | Зүүн, Баруун: Дотогшоо/гадагшаа фокуслах Дээш, Доош: Томруулах, жижигрүүлэх |
| ⑨ | LED гэрэл | Батарейны төлөв байдлыг харуулна. |
| ⑩ | Цэнэглэгч залгах USB порт | Төхөөрөмжийг шууд цэнэглэхэд ашиглана. |
| ⑪ | Цэнэглэгч залгах USB порт | Төхөөрөмжийг суурин дээрээс цэнэглэхэд ашиглана. |
| ⑫ | Камерийн LED гэрэл | Зураг авах болон бичлэг хийх үед нэмэлт гэрэлтүүлгээр ашиглаж болно. |
[КОЛЬПОСКОПЫН ШИНЖИЛГЭЭНИЙ ТОВЧ ЗААВАР]
- VIA (Visual inspection with acetic acid - Цууны хүчилтэй харааны үзлэг) шинжилгээ, багажны тавиур эсвэл сав, зохих хэмжээтэй өөрөө тогтоогч хоёр хавхлага, хөвөн барих хямсаа, секундомер зэрэгт зарим дагалдах хэрэгсэл шаардлагатай. VIA-д шаардагдах хэрэглээний материалд бээлий (өндөр түвшний халдваргүйжүүлэлтийн дараах ариутгасан бээлий/нэг удаагийн), хөвөн арчдас эсвэл хөвөн үзүүртэй савх, цууны хүчил (5%) шингэрүүлсэн уусмал (шинэхэн бэлтгэсэн) орно. Цууны хүчил түрхэх гол зорилго нь хэвийн бус эсвэл хэвийн бус хувирлын бүсийн аливаа хэсгийг илрүүлэх, үнэлэх явдал юм. Умайн хүзүүнд түрхсэн цууны хүчил нь гадаргуугийн хучуур эд дэх уургийн коагуляци үүсгэдэг. Коагуляцлагдсан уураг нь өтгөн цагаан толбо хэлбэрээр тодрох болно. Хэвийн умайн хүзүүний хучуур эд нь цууны хүчлээр өтгөрөх уураг маш бага агуулдаг.
- VIA үзлэгийн ерөнхий журмын дагуу толь тавиад, ирийг нь өргөн салгаж, умайн хүзүү, үтрээний хөндийг сайн харагдахаар болгоно. Дараа нь Cerviray төхөөрөмжийн тулгуур савааг нь спекулум буюу толины гадаа ирмэгт тулгаж зургаа авна. Cerviray төхөөрөмжийг хэрэглэх үед өвчтөнтэй шууд эсвэл шууд бус хүрэлцдэггүй бөгөөд энэ үе шатанд чухал ажил бол хувиргах бүсийн алслагдсан болон проксимал хилийг тодорхойлох явдал юм. Умайн хүзүүнд цууны хүчлийг хөвөн, хөвөн бөмбөлөг эсвэл шүршигчээр сайтар түрхэж, умайн хүзүүний гадаргууг бүхэлд нь хамруулна. Умайн хүзүүний хорт хавдрын урьдал өвчтнүүд нь цууны хүчлээр өтгөрдөг, цагаан өнгөтэй болдог уураг ихтэй байдаг. Умайн хүзүүний хорт хавдрын өмнөх зэрэг өндөр байх тусам цагаан толбоны эрч хүч нэмэгддэг. Умайн хүзүүний хорт хавдрын үед цагаан эсвэл цагаан биш байж болох ургалт илэрдэг.