Цервирэй ХО системийг нэвтрүүлж умайн хүзүүний хавдаргүй улс орон болох зорилгод нэгдсэн Цервинэт группийн гишүүн эмнэлэг, эрүүл мэндийн ажилчдад зориулж хэрхэн ажиллуулах бичлэг бэлдлээ. Цуврал байдлаар хэсэгчилэн явж байх болно.
* Цахим сүлжээгээр сервертэй буюу хиймэл оюун ухаан (ХО) -той холбогдож ажилдаг тул юуны өмнө WIFI эсвэл гар утасны Mobile Hotspot-оор холбогдсон байх, төхөөрөмж ба Cerviray Expert програм логин хийж ажиллахад бэлэн болсон байх.
Цервирэй ХО системийг нэвтрүүлж Цервинэт группэд нэгдсэн гишүүдэд Cerviray Expert програм асаах, ажиллуулах зөвлөмж.
* ХО-ны урьдчилсан дүгнэлт гаргуулахын өмнө үнэлгээ хийх эмч өөрөө үзлэг хийж байгаа бол төхөөрөмж дээр On-site Evaluation гэдгийг сонгох, хэрэв үнэлгээ хийх эмч мэргэжилтэн өөр газар хол байгаа бол Remote Consultation гэдгийг сонгож телемедицин горимд ажиллах болно. Эмч хаана ч явсан Cerviray Expert програмаар орж урьдчилсан дүгнэлтэнд үнэлгээ өгч, цаашдын оношлогоо эмчилгээ, хяналтын зөвлөмжийг өгнө.
Цервирэй ХО системийг нэвтрүүлж Цервинэт группэд нэгдсэн гишүүдэд төхөөрөмжтэй ажиллах зарим зөвлөмж.
Цервирэй ХО системийг нэвтрүүлж умайн хүзүүний хавдаргүй улс орон болох зорилгод нэгдсэн Цервинэт группийн гишүүдэд Cerviray Expert програмтай ажиллах зарим зөвлөмж.
Цэрвирэй ХО системээр үзлэг эхлэхээс 30 минутын өмнө интернет сүлжээ болон ХО сервертэй холбоо тогтсон эсэхийг шалгах хэрэгтэй. Зарим үед ХО програм шинэчлэгдэх үед түр зуур холбогдоогүй байдаг тул худалдан авалт хийхэд гэрээнд зааж өгсөн инженертэй холбогдож холболтыг шалгуулж болно. Ихэвчлэн богино хугацаанд холболт сэргэдэг.
Пап тест эсийн шинжилгээ "хуурамч сөрөг" буюу худлаа эрүүл гэж гарах явдал тохиолддог, тэр болгоныг жиших боломжгүй. Гол нь ийм хуурамч тохиолдлуудыг барьж аваад цаг алдахгүй цаашдын оношлогоо, эмчилгээг шийдээд явдаг "систем /тогтолцоо" ажиллаж байх чухал юм. Энэ бодит жишээ дээр "Cerviray Expert" програмтай хэрхэн ажиллах талаар арай дэлгэрүүлж тайлбарлалаа. Дүгнэлтийг цаасаар хэвлэж гаргана гэвэл олон хуудас болно, тухайн мэдээлэл хагас нүүр байгаа, тэгэхээр үйлчлүүлэгч гар утсаараа дэлгэцийн зураг авч баримтжуулах илүү боломжтой, мөн хэрэгтэй гэвэл PDF-ээр хадгалаад имэйлээр явуулж болно.
(Үйлчлүүлэгчийн зөвшөөрөлтэй жишээ татав)
Дэлхийн эрүүл мэндийн байгууллагаас 2021 онд сүүлд шинэчилж гаргасан "Умайн хүзүүний хавдраас урьдчилан сэргийлэх, хавдрын урьдал эмгэгийг эрт илрүүлэх ба эмчлэх удирдамж"-ийн дагуу "скрийн ба эмчил" болон "скрийн, триаж ба эмчил" зөвлөмжийн дагуу VIA аргын хиймэл оюун ухааны Цервирэй ХО илрүүлгээр 2 удаа "эерэг" гарсан, триаж эсийн пап тест мөн "эерэг" гарсан одоо ердөө нэг удаа 20 секунд термал аблаци эмчилгээ хийлгээд эдгэрэх буюу эрт илрүүлсэн учир хавдар болохоос сэргийлж, амь насаа хамгаалж чадсан нэг тохиолдол.
Хиймэл оюун ухааны Цервирэй ХО системээр умайн хүзүүний урьдал эмгэг илэрч, улмаар эдийн биопси шинжилгээ өгч оношоо батлаж эмчилгээ төлөвлөгдсөн тохиолдол. Энэ эмэгтэй хавдар болохоос өмнө эрт илрүүлж эмчлэгдэж чадлаа. Энэ тохиолдолд ДЭМБ-ын хуучин удирдамжийн дагуу илрүүлээд, гистологийн шинжилгээ өгөөд эмчлэгдэж байгаа болно. Гэхдээ энэ хуучны удирдамж дагуу бол хүндрэлтэй, цаг мөнгө их зарцуулдаг. Илэрсэн тохиолдол болгонд эдийн шинжилгээ аваад эмчлээд байх бодит боломж байдаггүй гэдгийг өнгөрсөн цаг хугацаа харуулсан, ДЭМБ мөн үүний дагуу удирдамжаа шинэчлэсэн, ихэнх тохиолдол илрүүлсэн гэх боловч эмчлэгддэггүй орхигддог тул нас баралт жил ирэх тусам ихэссээр байна. Хамгийн гол нь эрт илрүүлэхтээ биш, харин эмчилсэн байхдаа юм.
Умайн хүзүүний дүрс зураг авагдаад серверлүү илгээгдсэний дараа эхлээд хиймэл оюун дүгнэлт тавихад хангалттай чанартай эсэх мэдээлэл ирнэ. Хангалтгүй гэж анхааруулах улаан тэмдэгтэй мөн дүгнэлт тавих шаардлаггүй дүрсүүдийг идэвхжүүлэхгүй устгаж болно. Ойроос ба зайнаас авсан, мөн хана халхалсан бол хана тэлэгч ашиглах эсвэл шпатулаар чөлөөлж авах. Хангалттай буюу OK гэснээс сонгож үүлэн технологийн тэмдгийг дарж серверлүү илгээнэ. Ингэхдээ дүгнэлтийг баталгаажуулах эмч цуг ажиллаж байгаа бол зүүн ногоон, өөр газар хол байгаа бол баруун хөх товчийг дарна. Цервирэй ХО систем 5 секундын дотор урьдчилсан дүгнэлтийг (Normal, CIN1, CIN2, CIN3, CIN3+) гэхчилэн өнгөөр ялгаж гаргаж өгнө.
Хиймэл оюунд суурилсан умайн хүзүүний хавдрын илрүүлгийн Цервирэй ХО систем нь эмнэлгийн мэргэжилтэнгүүдийг илрүүлэг, оношлогоо, эмчилгээний асуудалд мэдлэг мэдээллээ хуваалцах, туршлага солилцох, алсын зайнаас зөвлөгөө өгөх, авах зэрэг үйлчлүүлэгчид нэмэлт явдал суудал, зардал болохгүй хамтран ажиллах боломжоор хангагдсан байдаг. Хамтдаа умайн хүзүүний хавдрыг устгахын төлөө ажиллацгаая.
Хиймэл оюун ухааны Цервирэй ХО систем дээр ажилладаг Умайн хүзүүний хавдаргүй Монгол улс болох нийтлэг зорилготой ЦервиНэт группийн гишүүн эмнэлгийн ажилчдад:
Умайн хүзүүний шилжилтийн хэсэг 1-р төрөл биш, цэвэршсэний дараахь 2 ба 3 -р төрөл буюу харагдахгүй, сувагруу нүүж шилжсэн тохиолдолд бол сувгаас сойзоор эсийн шинжилгээ авч байх нь илрүүлгийг чанартай, гүйцэд болгоно.
Хамтдаа умайн хүзүүний хавдрыг устгахын төлөө ажиллацгаая.
